O 11 de febreiro de 2026 celebramos no IDIS o “Día Internacional da Muller e a Nena na Ciencia”  coa participación do alumnado do IES Félix Muriel, de Rianxo.

O Día Internacional da Muller e a Nena na Ciencia, que se conmemora cada 11 de febreiro, foi proclamado en 2015 pola Asemblea Xeral das Nacións Unidas co obxectivo de lograr o acceso e a participación plena e equitativa das mulleres e nenas na ciencia, así como promover vocacións científicas desde idades temperás.

A xornada dará comezo coa benvida institucional a cargo de M.ª Luz Couce, directora científica do IDIS, e a presentación do acto por parte de Mabel Sampedro, persoal de xestión do instituto.

Ao longo da mañá, as investigadoras do IDIS desenvolverán diversas actividades científicas dirixidas ao alumnado, que incluirán a división en grupos e a visita a distintos laboratorios do centro, onde se levarán a cabo obradoiros científicos interactivos nos seguintes espazos:

• Laboratorio 18 – Oncoloxía Médica Traslacional.
• Laboratorio 19 – GENVIP y GENPOB.
• Plataforma de Proteómica.
• Laboratorio 6 – Cardioloxía Traslacional.

A xornada continuará cun espazo de entrevistas e diálogo aberto entre o alumnado e mulleres que desenvolven a súa actividade profesional no IDIS, pertencentes aos ámbitos científico, técnico e de xestión da I+D+i. Participarán neste encontro:

• Ana B. Crujeiras, investigadora sénior.
• María de la Fuente, investigadora sénior.
• Ana Sampedro Viana, investigadora predoutoral.
• Ana Barcia, técnica de laboratorio.
• Mabel Sampedro, persoal de xestión.

Consulta o programa completo da xornada aquí