Quen somos

O Instituto de Investigación Sanitaria de Santiago (IDIS) é un centro de investigación biomédica de marcado carácter traslacional que aproveita as sinerxías do Complexo Hospitalario Universitario de Santiago de Compostela (CHUS) e da Universidade de Santiago de Compostela (USC) para impulsar, promover e fomentar a investigación de excelencia, o coñecemento científico e tecnolóxico e a súa posterior traslación ao sector produtivo, así como a docencia e a formación e sempre cun obxectivo claro: mellorar a saúde da poboación.

Constituíuse o 31 de xaneiro de 2008, mediante un convenio de colaboración entre a Consellería de Sanidade, o Servizo Galego de Saúde e a Universidade de Santiago de Compostela e está acreditado desde marzo de 2010, como centro de investigación do Sistema Nacional de Saúde, polo Instituto de Saúde Carlos III, renovando dita acreditación cada 5 anos, 18 de maio de 2015 e 10 de marzo de 2020.

Na actualidade 1213 persoas intégranse en 106 grupos de investigación, organizados á súa vez en 7 áreas de investigación: (A001) Oncoloxía, (A002) Xenética e Bioloxía de Sistemas, (A003) Endocrinoloxía, Nutrición e Metabolismo, (A004) Neurociencias, (A005) Plataformas e Metodoloxía, (A006) Cardiovascular e (A007) Infectoloxía, Inflamación e Vacinas.

No ano 2021 publicáronse 1023 artigos científicos orixinais, editoriais e revisións en 527 revistas internacionais indexadas no Journal Citation Report cun índice de impacto total de 7.148 puntos e un índice de impacto medio de 6,98 puntos. Do total de publicacións, 635 están en Q1 e destas, 230 están en D1. Captáronse 46.078.575,63 € en 128 proxectos de investigación en concorrencia competitiva, 77 axudas de RRHH, 220 estudos clínicos e 512 contratos e convenios de colaboración.

No terreo docente o persoal investigador do IDIS levou a cabo unha intensa labor dirixindo 72 teses doctorais.