O persoal do IDIS presentou cinco comunicacións orais e participou nun simposio especial dedicado ao proxecto internacional ENDOTARGET
Santiago de Compostela, 7 de outubro de 2026.– O grupo Patoloxía Musculoesquelética do IDIS participou no congreso internacional EORS, celebrado a finais de setembro en Madrid. Esta cita, que reúne cada ano a cirurxiáns ortopédicos, biólogos, biomecánicos, bioenxeñeiros e investigadores translacionais, ten como obxectivo acelerar o paso dos achados prometedores do laboratorio á clínica e identificar problemas clínicos urxentes que requiren nova investigación.
No marco do congreso, o grupo do IDIS presentou cinco comunicacións orais e participou como chair nun dos simposios do congreso, contribuíndo activamente ao intercambio e difusión do coñecemento científico neste ámbito. O persoal do IDIS participou nun simposio especial dedicado ao proxecto internacional ENDOTARGET, xunto con outros investigadores e colaboradores internacionais que forman parte deste proxecto.
Desde o grupo destacan que a participación do persoal investigador en citas como esta “pon de manifesto a crecente relevancia, no ámbito internacional, da investigación musculoesquelética”.
