ÁREA: ONCOLOXÍA
Obxectivos e liñas de investigación
Obxectivos
O Servizo de Oncoloxía Médica persegue integrar asistencia, investigación e docencia no traballo do día a día de todos os seus membros e en todas as súas accións, presentes e futuras, cunha vocación colaborativa con outros grupos do IDIS, do Sergas, da Universidade e nacionais e internacionais coa misión final de coñecer e curar o cancro. En investigación destaca a investigación clínica e traslacional. Nestos momentos temos 70 ensaios clínicos abertos dende fase I a fase IV, promocionados por Farmacéuticas, Grupos Cooperativos Nacionais e Internacionais e investigación non-comercial, na maioría das patoloxías tumorais.
Liñas de investigación
A investigación traslacional ten como principal obxectivo o proceso de metástase que pretende a completa integración da labor investigadora na asistencial, e o ambicioso compromiso de que os resultados de investigación alimenten o Programa de Ensaios Clínicos e viceversa. As liñas son:
- Biopsia líquida coa caracterización e valor clínico das Células Tumorais Circulantes (CTC) e outros produtos en sangue
- Invasión e metástase: céntrase tanto a caracterización destos mecanismos como a súa relación coa bioloxía das CTC e a transición epitelio-mesénquima
- Epixenética (principalmente metilación) en tumores cerebrais e pancreáticos
- Novas estratexias de screening e modelización en oncoloxía: en estreita colaboración co grupo IDIS liderado por Laura Sánchez, estamos desenvolvendo e aplicando o modelo animal peixe cebra en oncoloxía, tanto como modelo de estudo de procesos relacionados con metástase, como modelo de screening e aplicación en asistencia
- Nanotecnoloxía aplicada en oncoloxía: no ano 2013 creamos o laboratorio de nano-oncoloxía, onde integramos a nanotecnoloxía para o desenvolvemento de novas estratexias terapéuticas e axentes de diagnóstico (nanoteranóstico). Existe ademáis unha estreita colaboración con el grupo IDIS NANOBIOFAR liderado por María José Alonso
