A Plataforma de Biomarcadores en Fluidos Biolóxicos (SIMOA HD-X) atópase xa disponible na páxina web do IDIS.
Santiago de Compostela, 17 de xaneiro de 2025.– O Grupo de Investigación Translacional en Enfermidades Neurolóxicas (ITEN) que dirixe o doutor José María Prieto, xefe do servizo de Neuroloxía do CHUS, fai do seu equipamento automatizado, único en Galicia e no noroeste peninsular. , e un dos poucos de España.
“O padroado da Fundación aprobou en decembro a nosa Plataforma de Biomarcadores en Fluídos Biolóxicos (SIMOA HD-X) e traballamos arreo para poñela a disposición dos interesados canto antes”, explica o seu responsable, Roberto Carlos Agis-Balboa.
Actualmente, o acceso á plataforma xa está dispoñible desde a páxina web do Instituto de Investigación Sanitaria de Santiago de Compostela (IDIS): https://www.idisantiago.es/gl/plataformas-de-apoyo-comun/plataforma-de-biomarcadores-en-fluidos-bioloxicos-simoa-hd-x/. Esta páxina contén toda a información sobre a tecnoloxía Single Molecule Array (SIMOA), así como os prezos, servizos ofrecidos e como acceder a eles.
A plataforma IDIS SIMOA HD-X
Establecida no IDIS en 2023, esta técnica utiliza un sistema automatizado que permite a detección de biomarcadores en diversas mostras biolóxicas (como plasma, soro, LCR, orina e lisados celulares) a concentracións femtomolares (1×10^-15), utilizando un tecnoloxía avanzada de inmunodetección. Esta plataforma facilita a identificación precisa de concentracións mínimas de biomarcadores, a busca de novos marcadores e o desenvolvemento de ensaios innovadores para a súa aplicación na práctica clínica diaria.
Os equipos SIMOA están situados nunha sala de temperatura controlada, que está equipada con conxeladores (-80 ºC e -20 ºC) e frigoríficos (4 ºC) para garantir o correcto almacenamento das mostras e reactivos dos kits de análise. Ademais, conta cun equipo humano especializado e ofrece servizos analíticos e validación de probas para diversas patoloxías e biofluidos. Dende o Grupo de Investigación Translacional en Enfermidades Neurolóxicas (ITEN) ofrecen apoio no deseño e execución de probas diagnósticas de biomarcadores mediante a técnica Single Molecule Array (SIMOA) en diversos tipos de fluídos biolóxicos, co fin de xerar coñecemento que poida ser publicado ou patentado.
O grupo que dirixe Roberto Agís presentou hai uns meses o primeiro estudo en España que medía os niveis periféricos de neurofilamento lixeiro en pacientes con depresión, mediante a tecnoloxía SIMOA. Con esta nova plataforma, o Grupo pretende satisfacer as demandas do IDIS, doutros centros de investigación e mesmo das empresas.
