Bioinformática

A Plataforma de Bioinformática está formada por un equipo multidisciplinar con experiencia no manexo de datos obtidos de tecnoloxías ómicas e na medicina traslacional. Ten como fin brindar ós investigadores, tanto básicos como clínicos, apio tecnolóxico e asesoramento na análise numérica e procesado de grandes volumes de datos provintes de distintas áreas das ciencias da vida, aplicando técnicas tanto do campo da bioloxía como da química, física ou matemáticas, para a obtención de novo coñecemento.

A Plataforma de Bioinformática ofrece asesoramento, procesamento e extracción de coñecemento a partir de grandes volumes de datos procedentes de:

• Xenómica funcional, transcriptómica e epixenómica: secuenciadores DNASeq, RNASeq, NGS,…
• Proteómica funcional e metabolómica: cromatografía líquida acoplada a espectrometría de masas (LC-MS, LC-MS/MS, SWATH,…).
• Proteómica estrutural: análise da estrutura de proteínas a partir de secuencias de aminoácidos.
• Minería de datos: extracción de información relevante en grandes bases de datos biolóxicas e bibliográficas,…

Ademáis, tamén se ofrece a posibilidade de desenvolver aplicacións informáticas persoalizadas a partir de problemas complexos ou rutinarios da práctica diaria.

• Análises ómicos: xenómica, transcriptómica, proteómica
• Minería de datos
• Procesado masivo de datos
• Automatización de procesos que impliquen manexo complexo de datos
• Desenvolvemento de aplicacións informáticas persoalizadas
• Creación e xestión de bases de datos a medida
• Asesoramento científico

Tarifas sen IVE.