E041 – Epixenómica en Endocrinoloxía e Nutrición

Obxectivos e liñas de investigación

Obxectivos

O grupo de Epixenómica en Endocrinoloxía e Nutrición é un grupo multidisciplinar composto por biólogos, médicos endocrinólogos e nutricionistas e técnicos de apoio á investigación. Leva a cabo investigación traslacional centrando a súa investigación na identificación e caracterización funcional de marcas epixenéticas implicadas na susceptibilidade, a patoxénese e o tratamento da obesidade e as enfermidades relacionadas co exceso de peso, como a diabetes, resistencia á insulina, enfermidade cardiovascular e o cancro. O cumprimento deste obxectivo lógrase mediante a aplicación de técnicas epixenéticas máis avanzadas na análise do ADN nuclear e mitocondrial dende unha abordaxe epixenómica y transcriptómica en modelos animais, liñas celulares e estudos clínicos en humanos. A investigación da regulación epixenómica no campo da Endocrinoloxía e a Nutrición é unha área novidosa e xove que nos pode aportar coñecemento relevante para implementar a medicina personalizada e de precisión no manexo das enfermidades metabólicas.

Liñas de investigación

  • A regulación epixenética como o nexo de unión entre a obesidade e o cancro.
  • Papel da epixenética na susceptibilidade á obesidade e a resposta ós tratamentos antiobesidade.
  • Papel da epixenética na homeostase enerxética, as sinais de apetito e a regulación do peso corporal.
  • Identificación de biomarcadores epixenéticos de susceptibilidade á obesidade e terapia personalizada.
  • Avaliación do potencial de diferentes alimentos, compostos bioactivos e patróns de alimentación como a Dieta Atlántica para modular a regulación epixenética na prevención e o tratamento de enfermidades endocrinas, especialmente a obesidade.

 

Equipo investigador
Líder
Crujeiras Martínez, Ana Belén

 

Persoal Investigador (establecido ou asociado)
Cantón Blanco, Ana
Martínez Olmos, Miguel Ángel

Posdoutorais
González Izquierdo, Andrea
Rodríguez Carnero, María Gemma

Predoutorais
Fernández Díaz, Martín
Mariño Lorenzo, Paula