O novo tratamento está baseado na identificación de proteínas terapéuticas a partir de vesículas extracelulares.
As proteínas se encapsularán utilizando formulacións avanzadas desenvolvidas por Diversa Technologies, a spin-off biotecnolóxica do IDIS.
Santiago de Compostela, 22 de setembro de 2024.- A Plataforma de Proteómica do IDIS sumouse a un innovador proxecto de investigación traslacional liderado polo Grupo de Neuroloxía e Enfermidades Cerebrovasculares do Instituto de Investigación Sanitaria do Hospital Universitario A Paz (IdiPAZ). Este proxecto tranlacional busca desenvolver unha nova terapia baseada en proteínas a partir de vesículas extracelulares que melloren a recuperación dos pacientes despois dunha hemorraxia cerebral. A identificación destas proteínas terapéuticas foi posible, entre outros, grazas á colaboración da doutora e investigadora do IDIS, Susana Bravo.
A estratexia presentada implica a administración de proteínas terapéuticas encapsuladas, “o que representa un enfoque novo para mellorar os resultados funcionais nos pacientes”, explica o grupo investigador. As proteínas de interese identificáronse mediante a análise de vesículas extracelulares no sangue periférico de pacientes con recuperación espontánea favorable despois dunha hemorraxia cerebral. “Algunhas investigacións previas do grupo IdiPAZ demostraron que estas vesículas transportan niveis máis altos de proteínas involucradas na reparación e rexeneración celular, particularmente en pacientes con mellores resultados neurolóxicos”, sinala o equipo que está coordinado por a Dra. María Alonso de Leciñana e a Dra. María Gutiérrez.
As proteínas seleccionadas están a sintetizarse actualmente na Unidade 1 de NANBIOSIS, e estase realizando a optimización da súa purificación en forma soluble e biológicamente activa. Así mesmo, as proteínas se encapsularán utilizando formulacións avanzadas desenvolvidas por Diversa Technologies, a spin-off biotecnolóxica creada desde o Instituto de Investigación Sanitaria de Santiago de Compostela (IDIS). Tras a validación preclínica en modelos experimentais, esta estratexia podería abrir o camiño a unha nova terapia para mellorar a recuperación neurolóxica en pacientes con hemorraxia cerebral.
Investigación colaborativa para a innovación biomédica
Esta iniciativa destaca o papel da infraestrutura de investigación de NANBIOSIS no avance da medicina translacional, a nanomedicina e a biotecnoloxía. Ao proporcionar capacidades de produción de proteínas de última xeración, NANBIOSIS fomenta colaboracións que transforman descubrimentos de laboratorio prometedores en posibles aplicacións clínicas.
