Santiago de Compostela, 9 de abril de 2024.- O Hospital Álvaro Cunqueiro de Vigo acolleu hoxe a xornada BioIntegraSaúde 2024, coorganizada polos tres institutos de investigación sanitaria de Galicia. Eva Poveda, directora científica do Instituto de Investigación Sanitaria Galicia Sur (IISGS); Mar Castellanos, do Instituto de Investigacións Biomédicas da Coruña (INIBIC), e M.ª Luz Couce, do Instituto de Investigación Sanitarias de Santiago (IDIS), foron as encargadas de abrir a sesión, xunto coa xerente da Área Sanitaria de Vigo, Francisco Javier Puente e o reitor da Universidade de Vigo, Manuel Reigosa.
A xornada contou con tres mesas de debate. A primeira sobre “Novas Terapias” estivo moderada por Carmen Álvarez, directora de iMATUS e investigadora do grupo de I+D sobre formas farmacéuticas e sistemas de administración de fármacos do IDIS, e na que participou Carmen Albo, xefa do Servizo de Hematoloxía da AS Vigo e xefa do Departamento de Hematoloxía e grupo de hemoterapia do IISGS; María de la Fuente, investigadora Miguel Servet, líder do grupo da Unidade de Nano-Oncoloxía e Terapéutica Translacional do IDIS; Cristina Mondelo, investigadora Joan Rodés do grupo IDIS FarmaCHUSLab e Adrián Mosquera, responsable do grupo de Hematoloxía e Xenómica Computacional do IDIS.
A segunda mesa, sobre Biomarcadores, estivo moderada por Virginia Leiro, do grupo NeumoVigo do IISGS, e participaron Laura Docío, do grupo de Tecnoloxías Multimedia atlanTTi Research Center; Martín Lázaro, investigador responsable do grupo de Oncoloxía Translacional do IISGS; M.ª Eugenia Mosquera, do grupo de Metabolopatías do IDIS; e Carlos Spuch, responsable do grupo de Neurociencia Translacional do IISGS.
A última mesa, pola tarde, tratou sobre a Intelixencia Artificial en saúde e estivo moderada por Mar Castellanos, directora científica do INIBIC. Como expertos participaron Pablo Aguiar, investigador do grupo de Imaxe Molecular do IDIS; Marcos Ortega, responsable do grupo VARPA de INIBIC; Alejandro Pazos, responsable do Grupo de Investigación RNASA – IMEDIR do INIBIC; e César Veiga, do grupo Cardiovascular do IISGS.
Os teus 3 minuteses
Este ano, como novidade, incluíuse unha sesión reservada para persoal investigador en formación ou posdoutorais recentes: o concurso “Os teus 3 minuteses”, no que os participantes explicaron a investigación que están a realizar na súa tese de doutoramento nun vídeo de tres minutos de duración, e dun xeito accesible, utilizando unha linguaxe sinxela e comprensible.
Un comité de avaliación concedeu tres premios aos mellores vídeos. O primeiro premio foi para Antonio Cañizo Outeiriño, do grupo IDIS FarmaCHUSLab, o segundo para Manuel Casal Guisande e o terceiro para Jacobo Alonso Dominguez, ambos do IIS Galicia Sur. Ana Isabel Rodríguez Cendal, do INIBIC, gañou o premio do público no certame.
O conselleiro de Sanidade, Julio García Comesaña, foi o encargado de pechar esta edición de BioIntegraSaúde2024
