AC03 – Enfermo Crítico

Obxectivos

O noso grupo de investigación no Paciente Crítico desenvolve varias liñas de traballo:

• Investigación en sepse: identificación de factores de risco tanto clínicos como xenéticos para o desenvolvemento de complicacións e mortalidade asociados a esta enfermidade, un síndrome altamente prevalente nas unidades de Críticos.
• Identificación e caracterización dos efectos celulares de anestésicos e fármacos utilizados no paciente crítico: mecanimos citoprotectores, mediadores inflamatorios e estrés oxidativo.
• Identificación de factores pronósticos, dianas terapéuticas e caracterización da encefalopatía asociada a sepse, a encefalopatía máis frecuente nas unidades de Críticos e carente de tratamento específico na actualidade.
• Anestesia locorrexional con bloqueo nervioso: descrición e optimización de procedementos.
• Estudo dos mecanismos moleculares asociados ó síndrome do enfermo eutiroideo.
• Procedementos de prevención e manexo perioperatorio da vía aérea difícil.
• Estudo e manexo agudo e crónico da dor neuropática.

Para levar a cabo estas investigacións, actualmente dispoñemos de mostras de pacientes para análise xenético e estudo de biomarcadores e modelos experimentais de sepse. Unha vez avancemos no coñecemento de mecanismos implicados nos procesos obxecto de estudo e teñamos identificadas potenciais dianas terapéuticas, pretendemos desenvolver liñas de investigación que permitan explorar o potencial terapéutico de fármacos de cara a unha mellora do tratamento destas patoloxías.