O Dr. Mario Pérez-Sayáns García é Profesor Titular da Universidade de Santiago de Compostela (USC), acreditado a Catedrático pola ANECA, e Doutor en Odontoloxía (USC, 2010, Sobresaínte Cum Laude) e Doutor Internacional en Medicina Clínica (USC, 2021, Sobresaínte Cum Laude).

Actualmente és Investigador Principal do grupo de Patoloxía Médico-Quirúrxica Oral e Maxilofacial (ORALRES, E051), integrado na área Oncoloxía do Instituto de Investigación Sanitaria de Santiago de Compostela (IDIS), donde lidera liñas de investigación centradas en patoloxía oral, oncoloxía, biomateriais e medicina traslacional.

Desenvolve ademais o cargo de Secretario Académico do Departamento de Cirurxía e Especialidades Médico-Quirúrxicas (DCYEMQ) e foi coordinador da Área de Estomatoloxía de dito departamento. É Profesor do Máster en Medicina Oral, Cirurxía Oral e Implantoloxía da USC e Director do posgrao “Experto Universitario en Implantoloxía Oral”, así como Profesor Visitante na Universidad de São Paulo (Brasil).

Foi Director da Cátedra Institucional de Implantoloxía Avanzada Galimplant, Editor da revista Medicina (indexada en JCR) e Avaliador Internacional de Centros de Ensinanza Superior. É tamén experto técnico na certificación de proxectos de investigación para ACIE, entidade dependente da ENAC.

A súa traxectoria científica inclúe 190 publicacións indexadas no JCR (índice H = 36), 14 libros completos, 15 capítulos de libro e numerosas comunicacións e conferencias en congresos nacionais e internacionais. Participou en 12 ensaios clínicos e proxectos competitivos, e forma parte do grupo MedOralRes da USC desde 2009.

Recibiu múltiples recoñecementos, entre eles o Primeiro Premio Nacional Fin de Carreira, o Premio Extraordinario de Licenciatura, o Premio Extraordinario da C.A. de Galicia e o Premio Extraordinario de Doutoramento.

O Dr. Pérez-Sayáns é Investigador I3 do Sistema Nacional de Salud e Board Iberoamericano en Patoloxía e Medicina Bucal, sendo un referente na integración da investigación básica e clínica no ámbito da medicina e patoloxía oral.