A Dra. Pazos Randulfe é doutora en Química pola Universidade de Vigo e conta con ampla experiencia investigadora en prestixiosas institucións nacionais e internacionais: Universidade de Ámsterdam (Países Baixos), Universidade de Vigo, Instituto de Química de Leiden (Países Baixos), Universidade de Santiago de Compostela e Complexo Hospitalario Universitario de Santiago de Compostela. Desde 2008, é investigadora titular no Servizo Galego de Saúde (SERGAS), xefa da Sección de Investigación Básica-Translacional do seu grupo de investigación e unha figura destacada na integración da investigación básica, preclínica e clínica no campo das enfermidades do sistema dixestivo.

A súa actividade científica céntrase en liñas de investigación con alto valor translacional: identificación de biomarcadores e novas dianas terapéuticas en pancreatite crónica e cancro de páncreas, estudos metabolómicos, proteómicos e lipidómicos, así como caracterización de sistemas de sinalización celular.