Santiago de Compostela, 26 de abril de 2024.- A directora científica do IDIS, Mª Luz Couce Pico, recibe o XXIII Premio Nóvoa Santos da Asociación de Médicos Gallegos. O acto de entrega tivo lugar esta tarde ás 19.00h no Palacio de Fonseca de Santiago de Compostela, coincidindo co 30º aniversario da asociación que, con este premio, volve amosar o seu recoñecemento ás investigadoras e investigadores máis relevantes da comunidad galega. O acto estivo presidido polo titular da Xunta de Galicia, Alfonso Rueda, e contou coa presenza do presidente do Parlamento, Miguel Santalices; a alcaldesa de Santiago, Goretti Sanmartín, e o presidente de Asomega, Julio Ancochea; ademáis do catedrático Ángel Carracedo.
A entidade distingue con este galardón a labor da Dra. Mª Luz Couce Pico que “constitúe o máximo expoñente da neonatoloxía galega, con unha gran proxección tanto a nivel nacional como internacional”, sinalan desde Asomega. No seu dictame tamén salientan a súa “excepcional traxectoria docente e investigadora, avalada con máis de 300 publicacións, 33 proxectos competitivos como IP e 7 rexistros de propiedade intelectual, polo que consideramos particularmente meritorio o seu compromiso coa sociedade e o seu liderazgo na xestión da investigación en Galicia”, sinalaron desde Asomega.
Durante o seu discurso, Mª Luz Couce Pico mostrouse agradecida e satisfeita co galardón. “É un orgullo recibir este recoñecemento que me impulsa para continuar coa miña actividade diaria en todas as súas facetas incluida a dirección científica do IDIS, da man desa masa crítica de investigadores que co seu traballo contribúen a prosperar a asistencia sanitaria e, con iso, ao progreso da Sociedade”, nas súas palabras. Pola súa parte, o presidente de Asomega, Julio Ancochea, quiso agradecer ao Comité Científico o rigor despregado na análise das candidaturas e destacou que o prestixio do premio “consolídase co abrumador currículo da Dra. Couce con gran solvencia nos aspectos clínico, docente, investigador e xestor que fan dela a candidata soñada para un premio destas características”, sinala.
O evento contou coa presencia de Ángel Carracedo, encargado da laudatio da Dra. Couce e gañador do Premio Nóvoa Santos en 2009, investigador do IDIS, catedrático de Medicina Legal da Universidade de Santiago de Compostela e director da Fundación Pública Galega de Medicina Xenómica; tamén estivo presente Federico Plaza, director de Government Affairs de Roche Farma España, compañía patrocinadora do galardón.
Proxectos solidarios
Na XXIII edición do premio, a directora científica do IDIS tivo a responsabilidade de decidir a que propostas sanitarias destinaba o seu premio. Os elixidos anunciados pola Dra. Couce foron Rosaura Picáns, becaria Río Hortega e xoven investigadora que desenvolve un proxecto de estudo e caracterización de vesículas extracelulares no leite materno; así como a Fundación Andrea, que presta apoio a nenos con enfermidades de longa duración, crónicas ou terminais e as súas familias.
Insignia de Ouro
Na súa condición de directora científica do IDIS, Mª Luz Couce xa recolleu o ano pasado a Insignia de Ouro que esta mesma asociación otorgou aos tres institutos de investigación sanitaria galegos: IDIS, INIBIC e o IIS Galicia Sur. A directora aproveitou a súa intervención para agradecer “recoñecementos como este que permiten, ademáis, poñer en valor o gran traballo que se leva a cabo nos institutos de investigación da nosa comunidade e que non sempre conta coa suficiente visibilidade social”.
Desde Asomega tamén destacaron o importante papel dos institutos sanitarios na sociedade que motivou o seu recoñecemento nesta pasada 25.ª edición. «O propósito destes institutos céntrase en vehicular a colaboración entre profesionais que investigan en biomedicina, facendo que as necesidades de saúde da poboación abórdense de forma integrada desde a investigación básica á investigación clínica e aplicada para, finalmente, desenvolver solucións para o paciente», indica a Asociación de Médicos Gallegos.
